Бишкек жылуулук электр борборунда жабыркаган эки жаран президенттик ТУ-154 учагы менен Түркияга учуп кетти. Бул тууралуу Саламаттыкты сактоо министрлиги билдирди.
Бейтаптарды кыргызстандык эки дарыгер жана туугандары коштоп барат. Алар Түркиянын клиникаларынын биринде дарыланат.
ЖЭБтин кызматкерлери менен бирге Коргоо министрлигинин кулаган тик учагында жаракат алган эки аскер кызматкери дагы учуп кетишти.
Белгилей кетсек, ЖЭБтеги кырсыкта жабыркаган 23жана 34 жаштагы 2 бейтаптын абалы оор. Алардын биринин денесинин 90 пайызы, экинчиси 80 пайыз күйүк алган. Жабырлануучулардын бети, мойну жана колу-буту күйгөн.
