Кечээ, 30-июлда Кыргызстандын президенти Сооронбай Жээнбеков менен Казакстандын мурдагы президенти Нурсултан Назарбаев телефон аркылуу cүйлөшүштү. Бул тууралуу президенттик аппараттан маалымдашты.

Сүйлөшүүнүн жүрүшүндө Сооронбай Жээнбеков жана Нурсултан Назарбаев кыргыз-казак кызматташтыгынын абалын жана болочогун талкуулашты. Эки өлкө ортосундагы союздаштык, стратегиялык өнөктөштүк жана ынак кошуналык мамилелерди мындан ары бекемдөөнүн маанилүү экенин белгилешти.