Үстүбүздөгү жылдын январь-июль айларында тамак-аш өнөр жайынын ишканалары учурдагы баалар боюнча жалпы 60 млрд 164 млн 400 миң сомдук продукция чыгарышты. Бул тууралуу Айыл чарба министрлиги билдирди.

Маалыматка ылайык, 2024-жылдын ушул мезгилинде өндүрүш көлөмү 47 млрд 143 млн 300 миң сомду түзгөн.

Ошондой эле тамак-аш өнөр жайынын суусундуктарды жана тамеки буюмдарын чыгарган ишканаларынын үлүшү өлкөнүн кайра иштетүүчү өнөр жайынын жалпы көлөмүнүн 20,9 %ын түзгөн.

Бул көрсөткүчтөр аталган тармактын туруктуу өнүгүүсүн жана өндүрүштүк активдүүлүктүн өсүшүн тастыктайт.