УКМК Ысык-Көл облусунун Жети-Өгүз районундагы 14 гектар жер мамлекетке кайтарылганын билдирди.
Маалыматта айтылгандай, аталган райондун тургуну 1999-жылдан бери Ак-Дөбө айыл башкармалыгынын балансында турган 14 гектар жер тилкесин мыйзамсыз пайдаланып келгендиги аныкталган.
Текшерүүнүн жүрүшүндө тургун жер тилкесине ээлик кылуунун мыйзамсыз экендигин түшүнүп, жерди аталган райондун Оргочор айылынын балансына ыктыярдуу негизде кайтарып берген.
