Кыргызстандын Мамлекеттик салык кызматы жарандарга турак жай, батир жана жер тилкелеринин айрым категориялары үчүн салыкты 2026-жылдын 1-сентябрына чейин төлөө зарылдыгын эскертти.

Ведомстводон такташкандай, бул милдеттенме ишкердик максатта колдонулбаган турак жайларга жана батирлерге, ошондой эле үй жанындагы, короо-жай жана бакча-бостон жер тилкелерине тиешелүү.

Ошондой эле МСК салык төлөөчүнүн кабинети аркылуу салыкты кантип төлөө керектигин айтып берди. Бул үчүн төмөнкүлөрдү аткаруу керек:

• салык төлөөчүнүн кабинетине кирүү;
• башкы беттеги «Салык милдеттенмелери» бөлүмүнөн салык чегерилген мүлк объектисин тандоо;
• төлөнүүчү сумма менен таанышуу;
• «Төлөө» баскычын басуу;
• андан кийин система төлөм үчүн автоматтык түрдө QR-кодду же акча которуу үчүн банктык реквизиттерди (эсептешүү эсебин) түзүп берет;
• каалаган ыңгайлуу ыкма менен — QR-коддун же банктык реквизиттердин жардамы аркылуу төлөмдү жүргүзүү.

Салык кызматы чегерилген салык тууралуу маалымат салык төлөөчүнүн кабинетинде үстүбүздөгү салык мезгили үчүн автоматтык түрдө чагылдырыларын эскертти.