Жогорку Кеңештин Транспорт, коммуникациялар, архитектура жана курулуш комитети Ысык-Көлдө гидроцикл (скутер) тебүүгө тыюу салган мыйзам долбоорун биринчи окууда колдоду.
Мыйзам долбоорун демилгечилеринин бири депутат Элдар Сулаймановдун айтымында, акыркы жылдары Ысык-Көлдө гидроциклдин катышуусу менен болгон кырсыктар көп катталып, анын айынан адам өмүрү кыйылган учурлар да бар. Андан тышкары скутердин майы агып кетип, экологияга зыян тийгизүүдө. Ага байланыштуу Ысык-Көлдө гидроцикл тебүүгө тыюу салуу сунушталууда.
Талкуудан кийин комитеттин мүчөлөрү мыйзам долбоорун биринчи окууда колдоду.
