Жогорку Кеңештин 24-сентябрдагы жыйынында депутаттар «Кыргыз Республикасынын Президентинин шайлоосун дайындоо жөнүндө» Кыргыз Республикасынын Жогорку Кеңешинин токтомунун долбоорун карап, кабыл алышты.

Өлкө президеттигин шайлоо 27-январга дайындалды.

Токтомдун долбоору боюнча маалыматты Жогорку Кеңештин Конституциялык мыйзамдар, мамлекеттик түзүлүш, жергиликтүү өз алдынча башкаруу жана регламент боюнча комитетинин төрайымы Гульнара Акимбаева тааныштырды. Ал президентти шайлоо Жогорку Кеңештин токтому менен дайындаларын, ал эми кезектеги шайлоо учурдагы президенттин ыйгарым укуктарынын мөөнөтү аяктаган жылдын январь айынын төртүнчү шаршембисинде өткөрүлөрүн баса белгиледи.