Жол кыймылынын коопсуздугун камсыздоо башкы башкармалыгынын (ЖКККББ) маалыматына ылайык, 2025-жылдын 9 айынын ичинде 898 миң 335 жол эрежесин бузуу фактысы катталды.

Алардын ичинен:

• мас абалында унаа башкарган — 12 448 айдоочу,
• ылдамдыкты ашырган — 135 141 айдоочу,
• терезелерин мыйзамсыз караңгылаткан — 6 185 айдоочу,
• документсиз унаа башкарган — 11 716 айдоочу,
• автоээнбаштык кылган — 1 232 айдоочу,
• коопсуздук курун тагынбаган — 112 029 айдоочу,
• жөө жүрүүчүлөр жана мопед айдаган жарандардын эреже бузуу учурлары — 28 603,
• жол белгилерин жана чийиндерин сактабаган — 425 973 айдоочу.

Мындан тышкары, ар кандай жол эрежесин бузгандыгы үчүн 123 миң 303 автоунаа убактылуу айып короого токтотулган.