Жалпы республикалык тестирлөөдө 57 окуучу эң жогорку баллга ээ болгон. Бул тууралуу Билим берүү жана илим министрлигинин басма сөз кызматы билдирди.

Маалыматка ылайык, быйыл эң жогорку 235 баллды Бишкек шаарындагы No70 мектеп-гимназиясынын бүтүрүүчүсү алган.

235тен 221ге чейинки балл алгандардын арасында борбор калаанын мектептеринде 35 окуучу, экинчи орунда Ош облусу (жети окуучу), үчүнчүдө Ысык-Көл облусу (беш бүтүрүүчү) турат.

Министрлик 24-25-июнь күндөрү өткөн ЖРТнын III этабынын жыйынтыгы боюнча бул тизмени толуктоого болорун кошумчалады.