Улуттук банк жарандарга жубайларынын биринин (аялы же күйөөсүнүн) макулдугусуз 100 миң сомго чейин насыя алууга уруксат берүүнү сунуштап жатат. Документ коомдук талкууга чыгарылды.

“Акчабар” жазгандай, учурда жаран каржы-насыя мекемесинен 50 миң сомдон ашык насыя ала турган болсо, жубайынын макулдугун алуусу керек. Эми Улуттук банк аталган сумманы эки эсеге көтөрүүнү, тактап айтканда, аялы же күйөөсүнүн кат түрүндөгү макулдугусуз эле жубайлардын бирине 100 миң сомго дейре насыя алууга шарт түзүүнү сунуштап жатат.