Өлкөдөгү бардык мечиттерге жума намаздын убактсын кыскартуу боюнча тапшырма берилди. Бул тууралу Кыргызстан мусулмандар дин башкармалыгынын ( Муфтият) басма сөз катчысы Максат Атабаев билдирди.
“Жума намаздын эрежелери өз тартиби менен окулат. Болгону элди батырак таратуу үчүн узун сүрөлөрдүн ордуна кыскарак сүрөлөрдү окуу боюнча тапшырма берилди”, — деди Атабаев.
Буга чейин Саламаттык сактоо министри коронавирус коркунучунан улам жарандардын жума намазга катышуусуна чек коюу сунушун айткан.
Муфтият министрдин айтканына жооп кайтарып, шарият боюнча мечитке барууга тыюу салганга болбой тургандыгын айткан.
