Бишкек шаарында коомдук муниципалдык транспорттор 2022-жылдын 1-июлунан тарта жол кире акысын акчалай албайт. Бул тууралуу мэриянын басма сөз кызматы билдирди.

Маалым болгондой, 1-июлдан тарта “Тулпар” толугу менен ишке кирет.

Жүргүнчүлөргө сунушталган жолдор:

– 3 категориядагы (стандарт, мектеп окуучулары үчүн, жеңилдетилген) “Тулпар” транспорттук  картасын пайдалануу;

– Кыргызстандагы бардык банктардын VISA жана ЭЛКАРТ карталары;

– NFC виртуалдык картасы;

– “Тулпар” жана “Balance” тиркемелериндеги QR сканирлөө;

– “Тулпар” тиркемелеринде транспорттун кодун көрсөтүү.