Эл аралык балдарды коргоо күнүнө карата бүгүн, 1-июнда, Ала-Тоо аянтындагы айрым көчөлөрдө унаа кыймылына чектөө киргизилет. Бул тууралуу Бишкек милициясынын Кайгуул күзөт кызматы башкармалыгы билдирди.

Маалыматка ылайык, саат 16:00дөн 22:00гө чейин төмөнкү тилкелер жабылат:

• Чүй проспектиси — Панфилов көчөсүнөн Эркиндик бульварына чейин;
• Орозбеков көчөсү — Фрунзе көчөсүнөн Чүй проспектисине чейин.

Кайгуул кызматы шаар тургундарын жана конокторун жол жүрүү багыттарын алдын ала пландаштырууга жана башка жолдорду колдонууга чакырды.

Эске салсак, бүгүн Эл аралык балдар күнүнө карата борбордук Ала-Тоо аянтында жана шаардын райондорунда майрамдык иш-чаралар өтөт. Алардын программасы менен ушул шилтемеден тааныша аласыз.