Министрлер кабинетинин башчысы Адылбек Касымалиев мамлекеттик маалымат агенттигине берген маегинде 1-октябрдан тарта Кыргызстанда пенсиялар кезектеги ирет жогорулатыларын билдирди.

Ал эске салгандай, учурда эң төмөнкү пенсия 7 100 сомду түзөт. Буга чейин төлөмдөр жыл сайын орточо эсеп менен 500 сомго көбөйтүлүп келген. Министрлер кабинетинин башчысынын айтымында, 1-октябрдан баштап пенсиянын эң төмөнкү өлчөмү дароо 1 700 сомго жогорулап, 8 800 сомду түзөт.

Касымалиев Социалдык фонддун бюджети мындай жогорулатууну ишке ашырууга мүмкүнчүлүк берерин белгиледи.