Кыргызстанда орточо пенсия 10 миң 543 сомду түзөт. Бул тууралуу Социалдык фонддун төрагасы Бактияр Алиев 22-сентябрда Жогорку Кеңештин социалдык комитетинин жыйынында билдирди.

Анын айтымында, 1-октябрдан тарта пенсиянын өлчөмү жогорулап, орточо 11 миң 400 сомго жетет. Ошондой эле пенсиянын эң төмөнкү өлчөмү 7 миң 200 сомду түзмөкчү.

Алиев аскер кызматкерлеринин пенсия маселесин Социалдык фонд карабай турганын да кошумчалады.