Бүгүн, 15-июлда түнкүсүн Ош, Ысык-Көл жана Нарын облустарынын айрым жерлеринде кыска мөөнөттүү жамгыр жаап, күн күркүрөшү күтүлөт. Күндүз Ысык-Көл, Нарын облустарынын айрым жерлеринде жана Ош облусунун тоолуу райондорунда кыска мөөнөттүү жамгыр жаап, күн күркүрөшү божомолдонууда. Башка аймактарда жаан-чачын күтүлбөйт. Бул тууралуу Кыргызгидромет билдирди.

Мекеменин маалыматы боюнча:

• Чүй облусунда түнкүсүн +17…+22°C, күндүз +35…+40°C;
• Талас облусунда түнкүсүн +16…+21°C, күндүз +30…+35°C;
• Баткен облусунда түнкүсүн +19…+24°C, күндүз +36…+41°C;
• Ош жана Жалал-Абад облустарында түнкүсүн +19…+24°C, күндүз +36…+41°C;
• Ысык-Көл облусунда түнкүсүн +14…+19°C, күндүз +25…+30°C;
• Нарын облусунда түнкүсүн +12…+17°C, күндүз +23…+28°C.

Бишкек шаарында жаан-чачын күтүлбөйт. Түнкүсүн абанын температурасы +19…+21°C, күндүз +35…+37°C болот.

Чолпон-Ата шаарында маал-маалы менен кыска мөөнөттүү жамгыр жаап, күн күркүрөшү күтүлөт. Абанын температурасы түнкүсүн +16…+18°C, күндүз +25…+27°C болот.

Ысык-Көл көлүнүн түндүк жээгинде суунун температурасы 14-июль күнү эртең менен +20,7°C болду.