Кыргызстандын мамлекеттик бюджетинен 2025-жылы билим берүү тармагына 76,8 млрд сом жумшалды.

Мындай маалыматты финансы министринин орун басары Умутжан Аманбаев Жогорку Кеңеште мамлекеттик бюджеттин аткарылышы боюнча отчет берип жатып билдирди.

Билим берүүгө такталган бюджетте 82 млрд сом каралган. Анын аткарылышы 93,6 пайызды түздү.

Мындан тышкары, билим берүү тармагындагы финансылык эмес активдерге пландалган 19,7 млрд сомдун 17,5 млрд сому жумшалды.