«Кыргызсериал» чыгармачыл-өндүрүштүк бирикмеси «Куурчак» аттуу психологиялык драма жанрындагы сериалды тартуу иштерин баштады. Бул тууралуу Маданият министрлиги билдирди.

Сериал үй-бүлөлүк баалуулуктарды, адамдардын ортосундагы мамилени, ишенимди жана турмуштук тандоолорду чагылдырат. Сюжеттин жүрүшү ар бир бөлүктө акырындык менен ачылып, көрүүчүгө өз алдынча жыйынтык чыгарууга шарт түзөт.

Мекеменин маалыматында, алгачкы тартуу иштери Ысык-Көл облусунун Балыкчы шаарында өттү. Тартуу аянтчасында алгачкы кадрлар тартылып, салтка ылайык «тарелка сындыруу» аземи уюштурулган.