Бүгүн, 27-июлда түнкүсүн Ысык-Көл облусунун айрым жерлеринде өткүн өтүп, күн күркүрөшү күтүлөт, калган аймактарда жаан-чачын болбойт, деп билдирет Кыргызгидромет.

Күндүз Ысык-Көл жана Баткен облустарынын айрым жерлеринде, Ош облусунун тоо этектеринде жана тоолуу райондорунда, ошондой эле Жалал-Абад облусунун тоолуу райондорунда өткүн өтүп, күн күркүрөйт. Ош облусунун өрөөндөрүндө, Жалал-Абад облусунун дыйканчылык аймактарында, ошондой эле Чүй, Талас жана Нарын облустарында жаан-чачын күтүлбөйт.

Батыштан соккон шамалдын ылдамдыгы секундасына 4–9 метрге чейин жетет, күндүз айрым жерлерде 15–20 метрге чейин күчөшү күтүлөт.

Мекеменин маалыматы боюнча:

• Чүй облусунда түнкүсүн +16…+21°C, күндүз +32…+37°C;
• Талас облусунда түнкүсүн +15…+20°C, күндүз +29…+34°C;
• Ош облусунда түнкүсүн +20…+25°C, күндүз +33…+38°C;
• Жалал-Абад облусунда түнкүсүн +20…+25°C, күндүз +33…+38°C;
• Баткен облусунда түнкүсүн +20…+25°C, күндүз +33…+38°C;
• Ысык-Көл облусунда түнкүсүн +11…+16°C, күндүз +25…+30°C;
• Нарын облусунда түнкүсүн +8…+13°C, күндүз +28…+33°C.

Бишкек шаарында жаан-чачын күтүлбөйт. Батыштан соккон шамалдын ылдамдыгы 4–9 м/с жетет. Абанын температурасы түнкүсүн +17…+19°C, күндүз +34…+36°C болот.

Чолпон-Ата шаарында өткүн өтүп, күн күркүрөшү мүмкүн. Батыштан соккон шамалдын ылдамдыгы 4–9 м/с жетет. Абанын температурасы түнкүсүн +14…+16°C, күндүз +25…+27°C болот.