Бүгүн, 4-июлда түнкүсүн Ысык-Көл облусунун көпчүлүк аймактарында, Чүй, Талас жана Нарын облустарынын айрым жерлеринде, ошондой эле Жалал-Абад жана Баткен облустарынын тоолуу райондорунда жаан жаап, күн күркүрөшү күтүлөт. Ысык-Көл облусунун айрым жерлеринде жана Жалал-Абад облусунун тоолуу райондорунда жаан-чачын катуу жаайт. Жалал-Абад жана Баткен облустарынын дыйканчылык аймактарында, ошондой эле Ош облусунда жаан-чачын күтүлбөйт.

Кыргызгидрометтин маалыматы боюнча:

• Чүй облусунда түнкүсүн +14…+19°C, күндүз +25…+30°C;
• Талас облусунда түнкүсүн +11…+17°C, күндүз +22…+27°C;
• Ош облусунда түнкүсүн +15…+20°C, күндүз +24…+29°C;
• Жалал-Абад облусунда түнкүсүн +15…+20°C, күндүз +24…+29°C;
• Баткен облусунда түнкүсүн +15…+20°C, күндүз +24…+29°C;
• Ысык-Көл облусунда түнкүсүн +10…+15°C, күндүз +20…+25°C;
• Нарын облусунда түнкүсүн +10…+15°C, күндүз +19…+24°C.

Бишкек шаарында түнкүсүн жаан жаап, күн күркүрөшү ыктымал, күндүз да жаан жаап, күн күркүрөшү күтүлөт. Батыштан соккон шамалдын ылдамдыгы секундасына 4-9 метрди түзүп, 14 м/с чейин күчөшү мүмкүн. Абанын эң төмөнкү температурасы түнкүсүн +15…+17°C, эң жогорку температурасы күндүз +25…+27°C болот.

Чолпон-Ата шаарында мезгил-мезгили менен жаан жаап, күн күркүрөйт. Батыштан соккон шамалдын ылдамдыгы 4-9 м/с жетет. Абанын эң төмөнкү температурасы түнкүсүн +13…+15°C, эң жогорку температурасы күндүз +22…+24°C болот.