Соңку суткада Кыргызстанда коронавирустан 4 киши каза тапты. Бул тууралуу Республикалык ыкчам штабдан кабарлашты.
Коронавирустан каза болгондордун экөө, Бишкек шаарынын тургуну болсо, экөө Талас облусунун тургундары болгон.
Ошондой эле соңку суткада 432 адамдан илдет табылган.
Алар төмөнкү аймактарда:
Бишкек — 138
Ош — 27
Чүй облусу – 62
Ош облусу — 26
Талас облусу — 10
Нарын облусу — 15
Ысык-Көл облусу – 51
Жалал-Абад облусу – 66
Баткен облусу — 37.
Ушуну менен катар бир күндө 517 адам сакайып, үйлөрүнө чыккан.
Муну менен илдетке чалдыккандардын жалпы саны 69 581ге жетти. Анын 60811и илдеттен сакайган.
Пандемия башталгандан бери Кыргызстанда 1231 адам коронавирустан көз жумду.
