Кыргызстанда соңку бир сутка ичинде дагы 314  адамдын анализинен коронавирус аныкталды. Бул тууралуу 6-июлда өткөн брифингде саламаттык сактоо министрлигинин орун басары Мадемин Каратаев билдирди.

Оору жугузуп алгандардын эң көбү Бишкек шаарында —161 адам. Ош шаарында 41, Чүй облусунда 25, Ош облусунда 26, Нарын облусунда 15, Ысык-Көл облусунда 21, Жалал-Абад облусунда 15, Баткен облусунда 10 адамга илдет жуккан.

Акыркы сутка ичинде коронавирус илдетинен дарыланып жаткан 41 бейтап айыгып, үйүнө чыккан. Ал эми төрт адам каза болгон.

18-марттан 6-июлга чейин өлкөдө жалпы 7691 адам коронавирус жуктуруп алган. Ал эми 2843 адам илдеттен айыккан. Жалпы бул 92 оорудан каза болгон.