Чүй облусунуда алдамчылык беренеси боюнча козголгон кылмыш ишинин алкагында экинчи шектүү кармалды. Бул тууралуу облустук милициядан билдиришти.

Маалыматка караганда, 13-июлда Аламүдүн райондук милициясына С.Г. аттуу жаран кайрылып, май айында Ленин айылында ишенимине кирип, 60 миң доллар акчасын алдап алып кеткен жарандарга чара көрүүнү суранган.

Аталган факт каттоого алынып, Кылмыш кодексинин 209-беренеси (алдымчылык) боюнча кылмыш иши козголгон.

Бул окуя боюнча буга чейин Ч.И. аттуу жаран кармалган. Жакында, ыкчам-тергөө иштеринин натыйжасында, шектүү катары 42 жаштагы К.Ю. аттуу жаран кармалып, камакка алынган.

Учурда тергөө уланууда.

Биздин Телеграм каналыбызга катталыңыз