Кыргызстандын Ички иштер министрлигинин маалыматына караганда, Литвада КР жана Казакстанда адам өлтүрүүгө шектелген 1979-жылы туулган Ю.Ю. аттуу жаран кармалды.

Аталган жаран Кыргызстанда 2007-жылы Бишкекте унаа жуучу жайдын ээсин атып өлтүрүүгө айыпталып, ошондой эле Алматы шаарында адам өлтүрүүгө шектелип, эл аралык издөөдө жүргөн. Ю.Ю. жасалма документ колдонуп келген жана уюшкан кылмыштуу топтун мүчөсү катары ИИМде катталган.

Учурда Кыргызстандын ыйгарым укуктуу органдары кармалган жаранды экстрадициялоо маселесин карап жатышат.