Ушул жылдын акыркы 7 айында ички дүң продукциясынын (ИДП) өсүү темпи 11,5%ды түзүп, 865 млрд сомдон ашты. Бул тууралуу өкмөт башчы Адылбек Касымалиев Ош шаарындагы Валентина Терешкова мектебинин ачылыш аземинде билдирди.

Анын айтымында, ички дүң продукциясы 2025-жылдын ичинде бир да жолу 10%дан төмөн болгон эмес.

“Акыркы 7 айдагы өсүү темпибиз 11,5 пайызды түздү, номиналдык жактан 865 млрд сомдон аштык. Консолидацияланган бюджетибиз боюнча: 2025-жылга 708,9 млрд сом планга коюлган. Кадырлуу замандаштар, бүгүн 8 айдын жыйынтыгы боюнча 2025-жылга бекитилген бюджет толугу менен аткарылгандыгын расмий түрдө билдирем жана жылдын аягына чейин 1 трлндон ашат деп болжолдоп жатабыз”,- деди өкмөт башчы.