Ош шаарында биринчи космонавт аял Валентина Терешкованын ысымын алып жүргөн мектеп-интернаттын жаңы имараты ачылды.

Салтанатта президент Садыр Жапаров мурунку имарат авариялык абалда болгонун эске салып, мектеп 2022-жылы бузулуп, УКМК төрагасы Камчыбек Ташиевдин көзөмөлүндө кайра курулганын белгиледи.

Мамлекет башчысы ачылышка онлайн катышкан Валентина Терешковага жана Кыргызстанга атайын келген Россия делегациясына ыраазычылык билдирди.

Жаңы комплекс жалпы 2,13 гектар аянтка жайгашып, анда 700 окуучу үчүн мектеп жана 500 орундуу жатакана бар.