Бүгүн, 12-майда, Министрлер кабинетинин төрагасы Адылбек Касымалиев Кыргыз футбол биримдигинин (КФБ) президенти болуп шайланды. Бул тууралуу өкмөттүн басма сөз кызматы билдирди.

11-майда биримдиктин Аткаруучу комитети жалгыз Касымалиевди КФБнын президенти кызматына расмий түрдө көрсөткөн.

Эске салсак, буга чейин футбол биримдигинин президенти кызматын УКМКнын мурдагы башчысы Камчыбек Ташиев аркалап келген. 15-апрелде өткөн уюмдун конгрессинде ал ата мекендик футболду токтоп калган абалдан алып чыгуу боюнча милдеттерин аткарганын жана эми уюмду бул спорт түрүнө чын дилинен күйгөн адам жетектеши керектигин айтып, кызматтан кетерин жарыялаган.