Афган согушунун ардагерлерине жана Чернобылдагы кыйроонун кесепетин жоюуга катышкан жарандарга каралган акчалай компенсациянын өлчөмү көбөйтүлөт. Бул тууралуу Эмгек, социалдык камсыздоо жана миграция министрлиги кабарлады.

Маалыматка ылайык, бул боюнча ченемдик укуктук актынын долбоору иштелип чыккан. Анда аталган жарандарга жеңилдиктердин ордуна ай сайынкы акчалай компенсациялардын өлчөмүн жогорулатуу каралган.

Учурда долбоор тиешелүү процедуралардан өтүп жатат. Ал кабыл алынса, төлөнүүчү компенсациялар жогорулатууну эске алуу менен 2025-жылдын 1-январынан тартып кайра эсептелип берилет.