Иллюстрациялык сүрөт

Бишкек-Нарын-Торугарт жолунун Алга айылында 29-январда саат 19:25те жол кырсыгы катталды. Бул тууралуу маалыматты Reporter.kg’ге Чүй облустук жол кайгуул кызматынан ырасташты.

“Тойта-Приус” автомабилинин айдоочусу рулга ээ боло албай, батыштан чыгышка карай келе жаткан оор жүк ташуучу “Ситрак” унаасы  менен сүзүшкөн. Экинчи транспортту Кытай жараны айдап келе жаткан.

Жеңил машинанын 29 жаштагы айдоочусу кырсык болгон жерде көз жумуп, эки жүргүнчүсү ар кандай жаракат менен Кант шаарынын ооруканасына жеткирилди.

Биздин Телеграм каналга катталыңыз