Садыр Жапаров кийинки президенттик шайлоого катышат. Бул тууралуу “Азаттыктын” “Эксперттер талдайт” берүүсүндө түз эфирде министрлер кабинетинин төрагасынын орун басары Эдил Байсалов билдирди.

Ал өлкө башчысынын командасынын алдыда көптөгөн пландары бар экенин белгилейт.

“Амбициялык, чоң пландары бар. Эл аралык сурамжылоолордун жыйынтыгы боюнча бир дагы президент мындай колдоого ээ болгон эмес. Садыр Жапаровдун башкы сапаты – ал өзү дагы уурдабайт жана уурдатпайт”, – дейт Эдил Байсалов.

Аткаминер өлкө башчысы таза жол менен шайланып келгенин айтты.

“Шайлоого катышат. Ага Конституция жол бербейт. Азыр баштаганын жолдо таштап койбойт”, – деди ал.

Садыр Жапаров 2021-жылы президент болуп шайланган.

Биздин Телеграм каналга катталыңыз