Балбан кыз Айпери Медет кызы (76 кг) Бишкекте өтүп жаткан Азия биринчилигинде алтын утуп, Азиянын эки жолку чемпиону болду.
Финалда ал кытайлык Юаньюань Хуанг менен күч сынашып, аны 10:7 эсебинде жеңди.
Бул жеңиши менен Айпери Медет кызы Азиянын эки жолку чемпиону болду. Буга чейин ал Азия биринчилигинде бир ирет алтын, үч жолу күмүш байге уткан.
Эскерте кетсек, буга чейин кыз-келиндерден Арууке Кадырбек кызы (55 кг) менен Гүлнура Таштанбекова (68 кг) коло утту.
