Балбан кыз Айпери Медет кызы Сербияда өтүп жаткан дүйнө чемпионатынын финалына чыгып, 2024-жылы Парижде боло турган Олимпиада оюндарына жолдомо алды.

Белгилей кетсек, Сербиядагы дүйнө биринчилиги лицензиялык болгондуктан, бул мелдеште 5 мыкты балбанга Олимпиадага жолдомо берилет: 1, 2-орунду алгандар жана коло байгеге татыган 2 балбан жолдомо алат. Ошондой эле, коло үчүн таймашта утулган эки балбан бешинчи лицензия үчүн өзүнчө беттеш өткөрөт.

Айпери Медет кызы мелдештин финалына чыккандыктан автоматтык түрдө Олимпиадага лицензия алды.

Бул жолдомо Кыргызстан үчүн алгачкы лицензия болуп саналат.

Видео: Айпери Медет кызы дүйнө чемпионатынын финалына чыгып, көзүнө жаш алды

Биздин Телеграм каналга катталыңыз