8-июндан тарта «Ала-Арча» мамлекеттик жаратылыш паркына кирүү үчүн жаңы тарифтер күчүнө кирди. Бул тууралуу парктын администрациясы билдирди.

Эми чоң адамдар үчүн кирүүнүн билети 200 сомдон 250 сомго көтөрүлдү. 7 жаштан 14 жашка чейинки балдар үчүн кирүүнүн баасы 180 сомду түздү. Ал эми 7 жашка чейинки балдарга паркка кирүү акысыз бойдон калды.

Ошондой эле паркка бир электромобиль менен кирүүнүн акысы 80 сомго жогорулап 880 сомду түздү.

Парктын жетекчилиги эс алуучуларды сапарын пландаштырууда жаңы бааларды эске алууга чакырды.