Баетов айылындагы май сактоочу резервуардын ичин тазалап жатып ууланган 2 адамдын бири ооруканада каза болду. Бул тууралуу ӨКМдин басма сөз кызматы кабарлады.

ӨКМдин куткаруучулары 52 жана 18 жаштагы жабыркагандарды ууланган жайдан чыгарышып “Тез жардам” кызматына өткөрүп беришкен.

Ак-Талаа райондук ооруканадан 52 жаштагы адам каза болуп калган. Ал эми экинчи ууланган адамдын абалы оор экени айтылууда.