.svg){kind=logo}
Түштүк Кореядагы массалык мушташта кыргызстандыктар жабыркады — КР ТИМи«Бала ырысы» жөлөк пулун алуучулардын саны октябрь айында 252,7 миңге жеттиГрузиядан алдамчылыкка айыпталган эки адам Кыргызстанга экстрадицияландыИлгиз Тапаев «Учкун» ААКтын башкы директору болуп дайындалдыБишкекте жашылдандыруу маселесине арналган Экологиялык кеңештин ачык жыйыны өтөтКР жогорку окуу жайлары карыз үчүн диплом жана аттестаттарды кармап калууга укуксуз — акыйкатчы
«Ала-Арчада» бутун кокустатып алган жаран куткарылды
07.08.2025 | 11:20
Чүй облусунун Аламүдүн районундагы «Ала-Арча» мамлекеттик жаратылыш паркында бутун кокустатып алып, өз алдынча түшө албай калган жаранга Өзгөчө кырдаалдар министрлигинин куткаруучулары жардам көрсөтүштү. Бул тууралуу ӨКМ маалымдады.
Маалыматка ылайык, окуя 2025-жылдын 6-августунда болгон. Эс алууга чыккан 30 жаштагы эркек киши тоодо жүрүп жатып бутун кокустатып, ылдый түшө албай калган.
Окуя болгон жерге ӨКМдин Куткаруучуларды даярдоочу мамлекеттик борборунун «Ала-Арча» паркында нөөмөттө турган 5 куткаруучу тартылган. Алар жабыркаган жаранга биринчи медициналык жардам көрсөтүп, аны коопсуз түрдө тоодон түшүрүп, туугандарына өткөрүп беришкен.
ӨКМдин маалыматына ылайык, жарандын абалы туруктуу.
Рубрики: Жаңылыктар
