Улуттук коопсуздук боюнча мамлекеттик комитети Чүй облусунун Аламүдүн районунун аймагында ок атуучу куралдар жана ок-дарылар сакталган жашыруун жай табылганын маалымдайт.

Ыкчам-издөө иштеринин жүрүшүндө Таш-Мойнок айылынын Прохладное айылына жакын тоолуу аймакта жашыруун жай аныкталган. Андан төмөнкү курал-жарактар табылып алынды:

• 1 даана АКС-74 автомат;
• 1 даана ТТ үлгүсүндөгү тапанча;
• 5,45 жана 7,62 калибрдеги ок-дарыларды камтыган 20 даана магазин.

Алынган маалыматтарга караганда, белгиленген курал-жарактар мурда уюшкан кылмыштуу топтун мүчөлөрү тарабынан өлкөдөгү саясий өзгөрүүлөр учурунда коомдук-саясий кырдаалды туруксуздаштыруу максатында колдонулган.