Бүгүн, 17-июнда, Албаниянын президенти Байрам Бегай Кыргызстанга расмий сапар менен келет. Бул сапар өлкө башчы Садыр Жапаровдун чакыруусу менен ишке ашып жатканын президенттик администрациядан билдиришти.

Сапар 19-июнга чейин созулуп, анын алкагында Чолпон-Ата шаарында эки өлкөнүн мамлекет башчылары экономика, айыл чарба, туризм, транспорт, санариптештирүү жана башка багыттарда кызматташуунун актуалдуу маселелери боюнча сүйлөшүүлөрдү жүргүзүшөт.

Белгилей кетсек, Албаниянын президентинин Кыргызстанга расмий сапары кыргыз-албан мамилелеринин тарыхында биринчи жолу болууда.