Бүгүн, 6-октябрда Жогорку Кеңештин жыйынында депутаттар 4 ведомствонун министрлерине талапкерлерди кароодо. Аларды сунуштоо үчүн парламентке министрлер кабинетинин төрагасынын орун басары Бакыт Төрөбаев келген.

Жыйында депутат Дастан Бекешев энергетика министри кызматына талапкер Таалайбек Ибраевге “Сиз Алексей Ширшов менен иштешкенсизби?” деген суроо узатты.

Талапкер өз кезегинде: “Мен эмгек жолумду Турдакун Усубалиев учурунда эле баштагам. Алексей Ширшов менен иштешкем”, – деп жооп берди.

“Дастан” ишканасынын мурдагы жетекчиси Алексей Ширшов энергетикадагы коррупциянын көмүскө схемасын түзгөн деп айыпталып кармалган. Кийинчерээк ал үй камагына чыгарылган.

Биздин Телеграм каналга катталыңыз