Алтынбек Кудайбердиев каржы министринин орун басары болуп дайындалды. Бул тууралуу өкмөттүн маалымат кызматы билдирди.

Дайындоо тууралуу документке министрлер кабинетинин төрагасы Адылбек Касымалиев кол койду.

Кудайбердиев буга чейин Каржы министрлигинин Капиталдык салымдар башкармалыгынын башчысы болуп иштеген. Былтыр ал министрликтин 100 жылдыгына карата “Кыргызстандын эмгек сиңирген экономисти” сыйлыгын алган. Быйыл 50 жашка толот.

Эскерте кетсек, буга чейин министрдин орун басары кызматын ээлеп келген Руслан Татиков 7-февралда кызматтан кеткен.

https://reporter.kg/karzhy-ministrinin-orun-basary-ruslan-tatikov-kyzmattan-ketti/