Дүйнөгө белгилүү франциялык актриса Одри Тоту Кыргызстандын борбор калаасына келет. Ал IV Бишкек эл аралык кинофестивалына атайын чакырылган ардактуу конок болот, деп билдиришти иш-чаранын уюштуруучулары.

Актриса «Амели», «Коко Шанелге чейин» («Коко до Шанель») жана «Да Винчи коду» сыяктуу атактуу (культтук) тасмалардагы башкы ролдору аркылуу дүйнөлүк атак-даңкка жеткен. Мындай масштабдагы жылдыздын жана көптөгөн абройлуу киносыйлыктардын ээсинин катышуусу борбордогу кинофорумдун жогорку эл аралык макамын дагы бир ирет тастыктоого тийиш.

Франциялык кинодиванын сапары фестивалдын борбордук окуясы болмокчу. Тотунун катышуусу дүйнөлүк кинокоомчулуктун көңүлүн Кыргызстандын маданий долбоорлоруна буруп, аймактык кинематографиянын өнүгүшүнө өбөлгө түзөт деп күтүлүүдө.