Ош облусунун Араван районунда өрүк бышып, сатыкка чыга баштады. Бул тууралуу Араван райондук агрардык өнүктүрүү башкармалыгы билдирди.

Маалыматка ылайык, райондун Төө-Моюн айыл өкмөтүнүн дыйкандары алгачкы түшүмдү жыйнап, өрүктүн бир килограммын 150–180 сомдон сатышууда.

Араван району өлкөнүн эң ысык жана түшүмдүү аймактарынын бири болуп саналат. Бул жерде дыйкандар жашылча- жемиштерден жылуулук көп талап кылынган мөмөмөлөргө чейин өстүрүп, жылына эки-үч жолу түшүм жыйнашат. Араванда өстүрүлгөн жемиштер Казакстан менен Орусия сыяктуу өлкөлөргө экспорттолот.