Бүгүн, 26-декабрь, саат 09:00го карата өлкөнүн ашуулары менен жолдорунда жол ачык, каттам бар. Оор жүк ташуучу унааларга чектөө жок. Бул тууралуу Транспорт министрлиги билдирди.

Бишкек-Ош унаа жолунун Төө-Ашуу жана Суусамыр-Талас-Тараз унаа жолунун Өтмөк ашууларында кар жаап жатат.

Министрлик ал жерлерде жол тазалоо, кум-туз аралашмасын чачуу жумуштары үзгүлтүксүз жүрүп жатканын билдирди.

Ошондой эле тоолуу аймактар жана ашуулар аркылуу жол тарта турган айдоочуларга унаа дөңгөлөктөрүң кышкыга алмаштыруу менен керектүү шаймандарды ала жүрүү эскертилди.