Бүгүн, 16-декабрь саат 10:00гө карата өлкөнүн ашууларында жол ачык, каттам бар. Бул тууралуу Транспорт министрлиги билдирди.

Бишкек-Ош унаа жолунун Төө-Ашуу жана Ала-Бел ашууларында оор жүк ташуучу унааларга киргизилген чектөө алынды.

Азыркы тапта № 9 Жол тейлөө ишканасы тарабынан тазалоо, инерттик материалдарды себүү иштери жүрүүдө.

Министрлик айдоочуларга унаа дөңгөлөктөрүн кышкыга алмаштырып, жанына керектүү шаймандарды ала жүрүүгө жана жол эрежесин так сактоого чакырды.