Президент Садыр Жапаров кол койгон тескемеге ылайык, Жазаларды аткаруу мамлекеттик кызматынын (ЖАМК) төрагасы Чынгыз Кожошевге сөгүш жарыяланды. Бул тууралуу расмий маалымат жарыяланды.

Сөгүш жүктөлгөн милдеттерин тийиштүү деңгээлде аткарбагандыгы үчүн берилди. Тактап айтканда, ЖАМК системасында укук тартибин камсыздоого көзөмөл жетишсиз болгондугу, ошондой эле аскер кызматкерлеринин өз жанын кыюу фактыларына алып келген уставдык эмес мамилелерди алдын алуу боюнча натыйжалуу чаралар көрүлбөгөндүгү үчүн тартиптик жаза колдонулду.

Бул чечим Кыргыз Республикасынын Конституциясынын 71-беренесине жана укук коргоо органдарынын тартиптик уставына ылайык кабыл алынган.