Транспорт жана коммуникациялар Министри Абсаттар Сыргабаев Нарын облусуна болгон иш сапарынын алкагында Нарын—Баетов жолундагы курулуш иштерин текшерди. Бул тууралуу министрликтин басма сөз кызматынан билдиришти.

Министр жолдун 8–13-чакырымдарындагы курулуштун жүрүшүнө сын айткан. Ал подрядчы тараптарга 10 күндүн ичинде асфальт төшөө боюнча так тапшырма берди.

Ошондой эле, Сыргабаев аталган трассадагы 72 метрлик көпүрөнүн курулушун ылдамдатууну буйруду. Анын айтымында, жолдун сапаты жана өз убагында бүтүрүлүшү Нарын элинин күнүмдүк турмушуна түз таасир этет.