Казакстандын арзан баада кызмат көрсөткөн “FlyArystan” авиакомпаниясы Астана менен Бишкектин түз каттамдарын кайра калыбына келтирет. Бул тууралуу ишкананын басма сөз кызматы билдирди.

Каттамдар ушул жылдын 2-майында ыңгайлуу “Airbus A320” учактары менен жумасына эки жолу, шейшемби жана ишемби күндөрү жасалат. Борбор шаарлардын ортосундагы аралык 954 километрди түзөт, аны 1 саат 45 мүнөттө учуп өтүүгө болот. 

Астанадан Бишкекке аба каттамдарды былтыр 23-июнда ачып, бирок кийин белгисиз себептерден улам токтоткон.