Жогорку Кеңештин депутаты Сеид Атамбаев муниципалдык транспорттун майыптыгы бар адамдар үчүн жеткиликтүүлүгү маселесин көтөрдү.

Парламенттин жыйынында ал Бектур Акибаевдин кайрылуусу тууралуу айтып берди. Ал социалдык тармактарда коомдук транспорттун айрым айдоочулары майыптыгы бар жүргүнчүлөрдүн коопсуз түшүп-минишин камсыздабай, аялдамаларда зарыл болгон учурда жардам көрсөтпөй жатканына нааразы болгон.

«Автобустардын айдоочулары менен түшүндүрүү иштерин жүргүзүп, майыптар арабасында жүргөн адамдарды көргөндө токтобой өтүп кетпешин камсыздоо керек», — деди Сеид Атамбаев.

Депутаттын пикиринде, бул маселеге биринчи кезекте мэрия көңүл бурушу керек.