Мурдагы президент Алмазбек Атамбаевдин тарапташтары Алга Кылычов жана Амантур Жамгырчиев  ИИМдин убактылуу кармоочу жайына киргизилди. Бул тууралуу ИИМдин басма сөз кызматынан кабарлашты.

Алар Кой-Таштагы окуялар боюнча УКМКнын кызматкерлерин барымтага алуу жана массалык башаламандыкты уюштурууга шектелүүдө.

“Азыркы учурда ИИМдин тергөө кызматы тергөө жана ыкчам иш-чараларды жүргүзүүдө. Сотко чейинки өндүрүштүн алкагында Атамбаевдин бир нече тарапташтары суралды”, – деп жазылат маалыматта.