Ош облусунун Кара-Суу районунда бир аял эки жаш кызы менен каналга кулап кетти. Бул тууралуу Өзгөчө кырдаалдар министрлигинен билдиришти.

Кырсык 26 -сентябрь, жекшемби күнү саат 16:00 чамасында болгон. Маалым болгондой, куткаруучулар келгенге чейин аял менен үч жашар кызды күбөлөр суудан алып чыгышкан. Бир жарым жаштагы кызы агып кеткен. Аны издөө уланууда.

Алдын-ала маалыматтар боюнча кыздар каналга түшүп кеткен, ал учурда алардын апасы дааратканага кирген. Аял кыздарын куткаруу үчүн сууга секирген.