Аялдар күрөшү үчүн машыгуу залына жер бөлүндү. Бул туурасында Жаштар иштери, дене тарбия жана спорт мамлекеттик агенттигинин басма сөз кызматы билдирди.
Маалыматка караганда, жер тилке Бишкектин “Ата Түрк” сейил багынын жанындагы Массалык спортту өткөрүү жана жаштар менен иштөө боюнча «Жаштык» дирекциясынын аймагынан 40*15 метр жер тилкеси бөлүнүп берилди. Жалпы аянты 800 чарчы метрди түзөт. 43 млн сомго бүтөт. Учурда тиешелүү мекеме архитектуралык планын түзүүгө киришти.
Буга чейин Айсулуу Тыныбекова, Айпери Медет кызы, Мээрим Жуманазаровалардын машыга турган залдарынын жоктугу айтылган.
